ShQO-da ormanda adasyp ketken 3 adam tabyldy

ÓSKEMEN. KAZINFORM — Shyǵys Qazaqstan oblysy Marqakól aýdanynda 3 er adam ormanda adasyp ketken. 

ShQO Tótenshe jaǵdaılar departamenti baspasóz qyzmetiniń málimetine súıensek, azamattar atqa minip, ormanǵa serýendeýge ketken.

— Olardyń talaı ýaqyt boıy qaıtyp oralmaǵanyna alańdaǵan jaqyndary qutqarýshylarǵa qońyraý shaldy. TJM qyzmetkerleri 3 er adamdy izdestirý jumystaryna kiristi, — delingen aqparatta. 

Posmotret etý pýblıkatsııý v Instagram

Pýblıkatsııa ot Shko Tjd Dchs Vko (@112shygysqaz_tjd)

Sonyń nátıjesinde, adasyp ketken adamdar ormannan tabyldy. Olarǵa medıtsınalyq kómek qajet bolǵan joq.

Aldyn ala aqparat boıynsha, baılanys quraldary men qajetti jabdyqtarsyz jolǵa shyqqan olar adasyp ketken.

Aıta keteıik, izdeýge qutqarýshylardan bólek, jedel qutqarý jasaǵynyń kınologııalyq qyzmeti, polıtseıler men jergilikti atqarýshy organ ókilderi jumyldyryldy.

Eske salsaq, osyǵan deıin SQO-da ýchaskelik ınspektor er adamdy ólimnen qutqarǵany jaıly jazǵanbyz.