ShQO-da ınternattan qashyp ketken balalardyń qoldary úsip qaldy
ÓSKEMEN. KAZINFORM – Shyǵys Qazaqstan oblysy Altaı aýdany Serebrıansk qalasyndaǵy ınternattan qashyp ketken balalardyń qoldary úsip qaldy.
5 aqpan kúni keshki ýaqytta oblystyq Devıantty minez-qulqy bar balalarǵa arnalǵan arnaıy mektep-ınternatynyń 4 tárbıelenýshisi belgisiz jaqqa qashyp ketken. Bul týraly mektep ákimshiligi Serebrıansk qalasynyń polıtsııa bólimine dereý habarlaǵan. Sodan soń tártip saqshylardy olardy izdestire bastady.
ShQO Balalar quqyqtary jónindegi ýákili Aqsana Qalenovanyń aıtýynsha, jasóspirimder úsh jarym saǵattan soń tabyldy. Olardyń qol-aıaǵyn birinshi jáne ekinshi dárejeli úsik shalǵan.
- Olar ońaı balalar emes. Talap boıynsha olar aýlany aralaı alady, biraq mektepten tys jerge shyǵa almaıdy. Bul jabyq mekeme ekenin eskersek, rasymen de qyzmetkerler tarapynan balalarǵa qandaı da bir qysym jasaý faktileri bolýy múmkin. Biraq ázirge naqty eshteńe aıtýǵa bolmaıdy. Polıtseıler oqıǵanyń sebepterin anyqtap jatyr. Árıne, qyzmetkerlerdiń kinási dáleldense, tıisti shara qoldanylady, - deıdi ol.
Eki tárbıelenýshi qazirgi ýaqytta medıtsınalyq mekemede, olardyń densaýlyǵy turaqty. Al eki bala tekserý júrgizilgennen keıin mektepke qaıtaryldy.
Eske salsaq, buǵan deıin SQO-da bir aıda 7 bala kókjótelge shaldyqqany habarlanǵan.