ShQO-da Abaı atyndaǵy Mádenıet úıi ashyldy

ÓSKEMEN. QazAqparat – Shyǵys Qazaqstan oblysy Glýbokoe aýdanynda Abaı atyndaǵy Mádenıet úıi ashyldy, dep habarlaıdy QazAqparat tilshisi.

Bul týraly aımaq basshysy Danıal Ahmetov Facebook jelisindegi jeke paraqshasynda jazdy.

«Glýbokoe kentinde Abaı Qunanbaıuly atyndaǵy Mádenıet úıiniń ashylý saltanatyna qatystym. Osy sátti jergilikti turǵyndar, ásirese aýdan ortalyǵynyń jastary jyldar boıy kútti. Syıymdylyǵy 300 oryndyq kórermen zaly, úlken sahnasy, sondaı-aq úıirme sabaqtaryn ótkizýge arnalǵan sheberhanalary bar jańa mádenıet úıi eńbektegen baladan, eńkeıgen qarııaǵa deıin jınalyp, bas qosatyn orynǵa aınalatyny sózsiz», - dedi oblys ákimi.

Onyń aıtýynsha, jańa mádenıet oshaǵynyń aldynda uly aqyn Abaı Qunanbaıulynyń bıýsti ornatylǵan.