ShQO-da 33 bas mal urlaǵan top qolǵa tústi
ÓSKEMEN. QazAqparat - Semeı qalasy men Jarma aýdanynda byltyr tamyz aıynda joǵalǵan 33 maldyń izi Óskemennen shyqty, dep habarlaıdy QazAqparat tilshisi.
Kúdikti retinde ustalǵandardyń biri - 41 jastaǵy Ulan aýdanynyń turǵyny bolsa, ekinshisi - 38 jastaǵy óskemendik.
Áýeli Jarma aýdanynan 23 bas mal joǵalǵany týraly habar túsken bolatyn. Iesi joǵalǵan maldyń qunyn 4 mln teńgege baǵalaǵan. Kóp uzamaı Semeıdiń irgesindegi Jańa Bójen aýylynan 10 bas sıyr urlanady. Iesi 2,2 mln teńgege zııan shekkenin aıtyp, aryzdanǵan.
Saqshylar eki oqıǵanyń bir-birine tym uqsas ekenin ańǵarǵan. Keıin bul boljamdary rastalyp, kúdiktiniń biri Ulan aýdanynda ustalǵan. Onyń sybaılasy eki aı boı tasalap, aqyry Óskemende qolǵa túsedi. «Urlanǵan maldyń bir bóligi Óskemen bazarlarynda satylyp ketken bolyp shyqty. Pyshaqtan aman qalǵandary ıesine qaıtaryldy. Ustalǵan ekeýdiń ózge de mal urlyǵyna qatysy tekserilip jatyr. Byltyr 200 mal urlyǵynyń beti ashylyp, 63 top ustaldy» - deıdi oblystyq polıtsııa departamentiniń Qylmystyq polıtsııa basqarmasynyń basshysy Nurken Kópjasarov.
