Shymkenttik turǵyn baýyryna baýyryn berdi

Shymkentte kezekti búırek transplantatsııasy sátti ótti, dep habarlaıdy QazAqparat tilshisi.

N1 qalalyq klınıkalyq aýrýhana bazasynda ótken aǵza almastyrý otasyn dárigerler eki kezeńmen jasady. Bilikti dárigerler komandasy donordan búırek alyp, keıin aǵzany retsepıentke hırýrgııalyq jolmen salyp berdi.

Retsepıent 2001 jylǵy, syrqatyna baılanysty 6 jyldan beri gemodıalız apparatyna táýeldi bolǵan. Naýqasqa 1996 jylǵy týǵan aǵasy búıregin berdi. Operatsııa sátti ótti. Eki patsıenttiń otadan keıingi jaǵdaıy jaqsy.

«Dárigerler aǵzasyn bergen azamatty aýrýhanadan úıine shyǵardy. Mundaı ota búırek jetispeýshiligimen esepte turatyn naýqastardyń saýyǵyp ketýine zor múmkindik beredi» - delingen Shymkent qalasy densaýlyq saqtaý basqarmasynyń baspasóz qyzmeti taratqan aqparatta.