Shymkenttikter júk kóliginde aýyzashar berdi
ShYMKENT. KAZINFORM — Erekshe aýyzasharǵa kelip, dám tatýshylar kóp boldy.
Qarataý móltek aýdanyna qarasty Turan-2 yqsham aýdanynda ornalasqan № 51 úıdiń turǵyndary jınalyp, aýyzashar jasady. Saýaby mol bul jıyn júk kóliginde ótti. Bir otyrǵanda 70 adam dastarhanda bas qosyp, aýyzashar asynan dám tatty. Kóp qabatty turǵyn úıdegi kórshilerdiń yntymaǵynyń arqasynda júzege asqan ıgi iske kópshilik tańdanyspen qarap, rızashylyqtaryn bildirdi.
«Jalpy barshamyzdyń kóship kelgenimizge 2 jyl boldy. Sodan beri jyl saıyn aýyzashar berip, naýryzdy atap ótemiz. Ydys-aıaqty árkim úıinen alyp shyǵady. Al, ortadan aqsha jınap alǵan qazan oshaǵymyz bar. Jıyn toılardy sony paıdalanamyz. Bizge toıhana, kafeniń qajeti joq. Kórshimiz Erjannyń júk kóligin ashyp, sonda dastarhan jaıamyz. Kóp bolyp qolǵa alǵan ıgi isimiz bir birimizge degen syılastyqty, dostyqty, yntymaqty arttyrary sózsiz»-deıdi №51 úıdiń turǵyny Maqsat Shaǵyrbaev.
