Shymkenttik ana balasyna bir búıregin berdi

ShYMKENT. KAZINFORM - Qalada 231-shi búırek transplantatsııasy sátti ótti

№1 klınıkalyq aýrýhana bazasynda ótken operatsııada 41 jastaǵy kelinshek 21 jastaǵy ulyna bir búıregin berdi. Operatsııa sátti ótip, donor men retsepıent palataǵa aýystyryldy.

Ekeýiniń de jaǵdaıy jaqsy, densaýlyqtarynda aqaý joq. 

- Búıregi almastyrylǵan retsepıent 7 jyldan beri sozylmaly búırek jetispeýshiligimen aýyryp kelgen. Sońǵy 1,5 jylda gemodıalız apparatyna táýeldi bolǵan. Jigit az ýaqytta qalypty ómirine qaıta oralady, - deıdi dárigerler.

Aıta keteıik, búginge deıin №1 qalalyq klınıkalyq aýrýhanasynda 231 búırek jáne 32 baýyr transplantatsııasy jasaldy.

Eske sala keteıik, budan buryn Shymkentte eki jastaǵy balanyń baýyrynan kısta alynǵan bolatyn.