Shymkentte stýdentter esirtkimen ustaldy
ShYMKENT. KAZINFORM - Shymkent qalasynyń Abaı aýdany prokýratýrasynyń úılestirýimen quqyq qorǵaý organdarynyń júrgizgen jedel sharalary barysynda sıntetıkalyq esirtki zattaryn zańsyz aınalymǵa engizý faktisi áshkerelendi.
Tintý nátıjesinde esirtki zattaryn qaldyrýmen aınalysqan 18 jastaǵy eki stýdentten esirtki dozasy bar 50 túıinshek tárkilendi.
Olar qala aýmaǵynda jasyryn jerlerge esirtki zattaryn qoıyp, olardyń ornalasqan jeri týraly málimetti messendjer arqyly taratyp kelgen.
Kúdiktilerge qatysty QR QK-niń 297-babymen (esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) sotqa deıingi tergep-tekserý bastaldy, olarǵa bes jyldan on jylǵa deıingi merzimge bas bostandyǵynan aıyrý jazasy taǵaıyndalýy múmkin.
QR QPK 201-babynyń talaptaryna sáıkes ózge aqparat jarııalanýǵa jatpaıdy.
Osyǵan deıin Atyraýda 30 jastaǵy aqtóbelikten 40 mln teńgeniń sıntetıkalyq esirtkisi tárkilengeni týraly jazdyq.