Almaty ortalyǵynda zańsyz salynǵan dúken buzyldy
ALMATY. KAZINFORM – Almatyda zańsyz salynǵan nysandardy buzý jumystary júrip jatyr.
Qala qurylysyn baqylaý basqarmasynyń málimetinshe, Seıfýllın dańǵyly, 518 mekenjaıynda ornalasqan shaǵyn market tolyqtaı buzyldy. Vedomstvo ókilderi buǵan deıin ruqsat qujattarynyń joqtyǵyna baılanysty tıisti sharalar qabyldanyp, is sotqa joldanǵanyn atap ótti.
- Mamandandyrylǵan aýdanaralyq ákimshilik quqyq buzýshylyqtar jónindegi sottyń sheshimimen menshik ıesi kináli dep tanylyp, nysandy májbúrli túrde buzý týraly qaýly shyǵaryldy. 2026 jyly 9 sáýirde Almaty qalalyq soty birinshi satydaǵy sheshimdi ózgerissiz qaldyrdy, - dep habarlady qala qurylysyn baqylaý basqarmasy
Búgin sot sheshimin oryndaý maqsatynda menshik ıesi nysandy óz erkimen buzǵan.
Eske salaıyq, buǵan deıin Almatyda jazǵy dámhana buzyldy.
