Shymkentte mýzykalyq sýburqaq iske qosyldy

ShYMKENT. KAZINFORM — «Shymkent City» saıabaǵynda megapolıstiń kórkin ashatyn jańa zamanaýı mýzykalyq sýburqaq iske qosyldy.

Mereke aıasynda ashylǵan jańa sýburqaq lazerlik jaryqpen jáne beıneproektsııamen jabdyqtalǵan. Ol — zamanaýı talaptarǵa saı jasalǵan joǵary tehnologııaly mýltımedıalyq keshen.

— Sýburqaq keshki ýaqytta jumys isteıdi. Aldaǵy ýaqytta tehnıkalyq múmkindikteri kezeń-kezeńimen jetildiriletin bolady. Sáýlettik týyndy tek qalanyń kórkin ashyp qana qoımaı, serýen quryp, otbasymen demalýǵa arnalǵan jańa jaıly orynǵa aınalatynyna senimimiz mol jáne shyraıly qalanyń jarqyn sımvolynyń birine aınalary sózsiz, — delingen Shymkent qalasy ákiminiń baspasóz qyzmeti taratqan aqparatta.

Aıta keteıik, budan buryn 120 tonnalyq vagondardy súıregen shymkenttik rekord ornatqanyn jazǵan bolatynbyz.