Shymkentte Ekonomıkalyq tergeý departamentiniń qyzmetkeri sottaldy
ASTANA. KAZINFORM – Shymkent qalasynyń qylmystyq ister jónindegi aýdanaralyq soty Ekonomıkalyq tergeý departamentiniń (ETD) jedel ýákili Zamanbek Tursynalyǵa qatysty úkim shyǵardy.
Sot ony qyzmettik jaǵdaıyn paıdalanyp alaıaqtyq jasaý jáne para berýge ıtermeleý boıynsha kináli dep tanydy. Aıyptalýshynyń áreketteri QR Qylmystyq kodeksiniń 190-baby 3-bóligi jáne 367-baby 2-bóligimen saralanǵan.
Іs materıaldaryna sáıkes, 2026 jyldyń naýryz aıynda Z.Tursynaly Qazaqstan Ulttyq qaýipsizdik komıteti Shymkent qalasy boıynsha departamentiniń qyzmetkerleri tarapynan qylmys ústinde ustalǵan. Tergeý barysynda onyń jergilikti turǵynnan máseleni «sheship berý» úshin, ıaǵnı aqshany tergeýshige beremin degen jeleýmen qarajat talap etkeni anyqtalǵan.
Sot úkimimen aıyptalýshyǵa 6 mıllıon teńge kóleminde aıyppul salyndy.
Buǵan deıin kúdiktiniń jol jıeginde ustalǵan sáti áleýmettik jelilerde taraǵan edi. Zańsyz syıaqy kólemi 300 myń teńgeni quraǵan.
Aıta keteıik, Shymkentte polıtsııa ınternet-alaıaqtyqqa qatysy bar sheteldikti ustady.
