Búgin qaı qalalarda aýa sapasy tómendeıdi
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 3 mamyrda túnde Astana jáne Kókshetaý qalalarynda qolaısyz meteorologııalyq jaǵdaılar kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, qazaqstandyq oqýshylar ekologııalyq máselelerdi sheshýge arnalǵan sýasty robotyn jasady.
Buǵan deıin ShYU óńirde ortaq ekologııalyq qaýipsizdik beldeýin qalyptastyrýdy kózdeıtini týraly jazǵan bolatynbyz.
