Shymkentte ákimdiktiń 54 qyzmetkeri qumar oıynǵa boı aldyrǵan

ShYMKENT. KAZINFORM – Shymkentte qumar oıynǵa áýestengen memlekettik qyzmetshiler jumystan bosatylyp jatyr.

Qala ákiminiń orynbasary, ákimdik apparatynyń resmı ókili Sársen Quranbektiń málimetinshe, qalalyq prokýratýranyń usynysy negizinde 54 qyzmetkerdiń lýdomanııaǵa boı aldyrǵany anyqtalǵan. Olardyń 30-y – memlekettik qyzmetshi.

Búgingi tańda 14 qyzmetker óz erkimen jumystan ketip, tártiptik jazaǵa tartylǵan. Al 10 qyzmetker qyzmettik ádepti óreskel buzǵany úshin teris sebeptermen jumystan shyǵarylǵan.

Qazirgi tańda 20 qyzmetkerge qatysty qyzmettik tergep-tekserý jumystary júrgizilip jatyr.

– Bul – zań talaby. Biz bul jaǵdaıda ózgeshe áreket ete almaımyz. Árıne, janymyz aýyrady. Olar bilikti mamandar bolýy da múmkin. Alaıda bul – dert. Olar oǵan shaldyqty. Teris qylyqpen jumystan ketkennen keıin basqa mekemege ornalasýy da qıynǵa soǵady. Ony da eskerip otyrmyz. Biraq zań – barshaǵa ortaq, odan joǵary turatyn eshkim joq. Sondyqtan zań talaptary qatań saqtalýy tıis, – dedi Sársen Quranbek.

Aıta keteıik, budan buryn Shymkentte qumar oıynǵa áýestengen memqyzmetshiler boıynsha anyqtalǵan árbir faktige sáıkes tıisti sheshim qabyldanatyndyǵyn jazǵan bolatynbyz.