Shymbulaqta aspaly joldar iske qosyldy
«Shymbulaq» taý shańǵy kýrortynda aspaly joldar iske qosyldy. Bul týraly «Shymbulaq» TShK-nyń baspasóz qyzmeti Instagram paraqshasynda málim etti, dep habarlaıdy Kazinform.
«Dostar, maýsym aldyndaǵy profılaktıka jumystary oıdaǵydaı ótti, sondyqtan biz aspaly joldy qosýǵa daıynbyz», - dep habarlady «Shymbulaq» TShK baspasóz qyzmeti.
TShK-nyń málimetinshe 1 qarashadan bastap aspaly joldardyń jumys kestesi mynadaı bolady:
«Medeý-Shymbulaq» 9:00-dan 18:00-ge deıin,
«Kombı-1» 9:30-dan 17:00-ge deıin,
«Kombı-2» 9:30-dan 16:30-ǵa deıin,
«KKD-4» 9:30-dan 17:30-ǵa deıin
Sondaı-aq «Shymbulaq» TShK ujymy qazirgi ýaqytta Shymbulaqta meıramhanalar, kafeler men oıyn-saýyqtar istep turǵanyn, al taýda syrǵanaý maýsymy bastalmaǵanyn habarlady.
Eske salsaq, Shymbulaq SKI BUSINESS AWARDS nusqasy boıynsha 2023 jylǵy úzdik taý shańǵysy kýrorty atanǵan bolatyn. Sonymen qatar ótken aıda Shymbulaqty qar basyp qalǵanyn jáne taýdan tas qulaýyna baılanysty Medeý-Shymbulaq joly jabylǵanyn habarlaǵanbyz.
