Shyǵys Qazaqstanda jańa SES salynady

ÓSKEMEN. KAZINFORM – Shyǵys Qazaqstan oblysyndaǵy Marqakól aýdanynda jańa sý elektr stansasynyń qurylysy bastalady.

Jańa SES Qaljyr ózeninde ornalasady. Onyń qýaty 16 MVt bolmaq.

- Sý tasqyny qaýpi joǵary kezeńde sý elektr stantsııasynyń energııasy muqym Marqakól aýdanyn qamtamasyz etýge jetedi. Biraq barlyq energııa Qazaqstannyń birtutas energetıka júıesine túsedi, - deıdi ShQO Energetıka jáne turǵyn úı-kommýnaldyq sharýashylyq basqarmasynyń basshysy Nurlan Ramazanov.

Joba aýktsıonnan ótip, onyń jeńimpazy «KALZHYR RIVER ENERGY» JShS boldy.

- Osy kásiporyn SES salý jáne paıdalaný quqyǵyn aldy. Bul joba Shyǵys Qazaqstandy turaqty energııamen qamtamasyz etý jolyndaǵy mańyzdy qadam bolmaq. Endi kompanııa 5 jyldyń ishinde qurylys jumystaryn aıaqtaýǵa mindetti. 2030 jyldyń sońyna deıin sý elektr stansasy iske qosylady dep josparlap otyrmyz, - deıdi N.Ramazanov.

Eske salsaq, osyǵan deıin Jetisý oblysy halqynyń SES qurylysyna alańdap otyrǵany habarlanǵan.