Shyǵys Qazaqstanda kún jylynǵandyqtan dala órti kúrt kóbeıdi

ÓSKEMEN. KAZINFORM – Shyǵys Qazaqstan oblysynda sońǵy eki kúnde 150-ge jýyq dala órti tirkeldi.

ShQO Tótenshe jaǵdaılar departamenti baspasóz qyzmetiniń málimetine súıensek, oblys boıynsha dala órti kúrt kóbeıgen.

— Tek demalys kúnderi 150-ge jýyq órt boldy. Tilsiz jaý kóbinese ashyq jerlerde jáne saıajaılar mańynda shyqqan. Órttiń shyǵý sebebi — otty abaısyz qoldanýdan, — delingen aqparatta.

Kún jylynǵaly beri halyq tabıǵat aıasynda, saıajaılarda demalysqa baryp, dalada ot jaǵyp jatyr. Sol kezde basym bóligi qaýipsizdik erejelerin saqtamaıdy.

— Turǵyndarǵa ashyq ot jaqqanda óte saq bolý qajettigin eskertemiz. Jeldi aýa raıynda úılerdiń mańynda ot jaǵýǵa, qurǵaq shóp pen qamysty órteýge bolmaıdy. Kólikpen kele jatqanda jol boıyna sóndirilmegen temeki tuqylyn, áınek ydystardy laqtyrmańyz, — deıdi qutqarýshylar. 

Eske salsaq, osyǵan deıin Oral qalasynda emhanada órt shyqqany jaıly habarlanǵan.