Shyǵys Qazaqstanda eki balany ıt talap tastady
Shyǵys Qazaqstan oblysy Glýbokoe aýdanynda ıt talaǵan eki bala aýrýhanaǵa jatqyzyldy, dep habarlaıdy Kazinform.
Oqıǵa Glýbokoe aýdany Beloýsovka kentinde bolǵan. Aýlada oınap júrgen eki balaǵa ıt shabýyl jasap, talap tastaǵan. Qazirgi ýaqytta olar Óskemendegi Ana men bala ortalyǵyna jatqyzyldy.
ShQO Densaýlyq saqtaý basqarmasynyń málimetine súıensek, medıtsınalyq kómek kórsetilgen balalar dárigerler baqylaýyna alynǵan.
«Balalardyń biriniń jaǵdaıy jaqsaryp qaldy. Al bet terisinde kóptegen tistelgen jaraqaty bar ekinshi patsıentke shuǵyl túrde ota jasaldy. Qazirgi ýaqytta onyń jaǵdaıy qalypty», — deıdi basqarmanyń baspasóz hatshysy Ásem Qaıratbek.
Onyń sózinshe, áýelde balalardyń biri ózin ıt talaǵanyn moıyndamaı, áınekke qulap qalǵanyn aıtqan. Alaıda jaraqattarynan ıt qapqany aıqyn kóringen.