Shyǵys Qazaqstanda birneshe aýyl taratyldy
ÓSKEMEN. KAZINFORM — Shyǵys Qazaqstan oblysynda bolashaǵy joq birneshe aýyl kartadan joıyldy.
Oblystyq máslıhat Altaı jáne Shemonaıha aýdandarynda ornalasqan birqatar eldi mekendi taratý týraly sheshim qabyldady.
Altaı aýdanynda 3 aýyl, atap aıtqanda Solovev aýyldyq okrýgine qarasty Lenınsk, Maleev aýyldyq okrýgindegi Landman jáne Parygın aýyldyq okrýgindegi Kýtıha aýyldary taratyldy.
— Taratylǵan aýyldar endi irgeles eldi mekenderdiń quramyna kirdi. Lenınsk — Podorlenok aýylynyń, Landman — Maleevsk aýylynyń, al Kýtıha — Parygıno aýylynyń quramyna qosyldy. Shemonaıha aýdanynda 2 eldi meken kartadan joıyldy. Zarechnoe aýyly — Ýst-Talovka kentiniń quramyna ense, Rýlıha stantsııasy — Kamenev aýyldyq okrýgine qarasty aýyl quramyna qosylyp otyr, — dep habarlady máslıhattan.
Eske salsaq, osyǵan deıin elimizde bir jylda aýyldardyń sany 149-ǵa azaıǵany habarlanǵan.
