Shyǵys Qazaqstanda 4 bala týberkýlezben aýyrdy
Shyǵys Qazaqstan oblysynda bıyl 4 bala týberkýlezben aýyrǵan, dep habarlaıdy QazAqparat tilshisi.
ShQO Sanıtarlyq-epıdemıologııalyq baqylaý departamentiniń málimetine súıensek, jyl basynan beri óńir boıynsha 195 adam týberkýlezben aýyrǵan. Onyń ishinde 4 bala jáne 4 jasóspirim bar. Bul ótken jylǵy sáıkes kórsetkishpen salystyrǵanda 5 paıyzǵa az.
«Taldaý kórsetkendeı, oblystaǵy jumys istemeıtin azamattar eń osal sanatqa jatqyzylady, bul jalpy aýyrǵandar sanynyń 55,6%-y. Týberkýlezge tán belgi – jótel. Eger jótel eki aptadan astam ýaqytqa sozylsa, mindetti túrde medıtsınalyq mekemege baryp, tekserilýińiz kerek. týberkýlez emdeledi, biraq emdeý merzimi keminde 6-8 aıǵa sozylady. Kóp jaǵdaıda vaktsına balany, eń aldymen, týberkýlezdi menıngıtten jáne aýrýdyń aýyr taralǵan túrlerinen qorǵaıdy» delingen aqparatta.
Aýrý negizinen aýa arqyly taralady. Onyń bakterııalary aýada birneshe saǵat boıy saqtalýy múmkin. Týberkýlezdi kez kelgen jasta juqtyrý yqtımaldyǵy bar. Biraq bul ásirese balalar men densaýlyǵy álsiregen eresekter úshin qaýipti.
