Shyǵys Qazaqstanda 360 adamdy kene shaqty

ÓSKEMEN. KAZINFORM – Shyǵys Qazaqstan oblysynda keneden zardap shekkender sany kún sanap kóbeıip barady.

Bıyl óńirde keneler erte shyqty. Naýryz aıynyń sońynan beri kene shaqqan 360 adam medıtsınalyq kómekke júgingen. Onyń ishinde 14 jasqa deıingi balalardyń úlesi 31% bolyp otyr.

- Aýrýdyń aldyn alý maqsatynda kene entsefalıtine qarsy ımmýnoglobýlındi zardap shekken 92% adam aldy. Qalǵan 8% (30 adam) medıtsınalyq kómekke kesh júginý, óz erkimen bas tartý jáne endemııalyq aýmaqqa jatpaıtyn eldi mekende kene shaǵýyna baılanysty seroprofılaktıkamen qamtylmaǵan, - dep habarlady ShQO Sanıtarlyq-epıdemıologııalyq baqylaý departamentinen.

Oblys aýmaǵynda keneniń juqpaly aýrýlarymen aýyrǵan naýqastar tirkelgen joq.

Qazir endemııalyq aýmaqtardyń medıtsınalyq uıymdarynda kene shaǵýdan zardap shekken adamdarǵa aýrýdyń aldyn alý maqsatynda qoldanylatyn kene entsefalıtine qarsy ımmýnoglobýlın qory jetkilikti.

Eske salsaq, osyǵan deıin Óskemende bir kúnniń ózinde 14 balany kene shaqqany jaıly habarlanǵan.