Shyǵys Qazaqstan oblysynda esirtki zerthanasy joıyldy
ASTANA. KAZINFORM – Bıyl tamyz aıynda Shyǵys Qazaqstan oblysynda Ulttyq qaýipsizdik komıteti prokýratýra organdarynyń úılestirýimen, esirtki zerthanasyn joıý boıynsha operatsııany iske asyrdy. Bul týraly UQK baspasóz qyzmeti aqparat taratty.
Qylmys jasady degen kúdikpen Qazaqstannyń eki azamaty ustalyp, sot sanktsııasymen qamaýǵa alyndy.
– Tintý kezinde 240 lıtrden asa psıhotroptyq zat pen 2 tonna prekýrsor, sondaı-aq esirtki daıyndaýǵa arnalǵan zerthanalyq jabdyq anyqtalyp, tárkilendi. Qylmystyq kodekstiń 297-baby boıynsha sotqa deıingi tergep-tekserý júrgizilip jatyr, - delingen habarlamada.
Qylmystyq-protsestik kodekstiń 201-babynyń 1-bóligine sáıkes ózge aqparat jarııa etýge jatpaıdy.
Eske sala keteıik, buǵan deıin Atyraýda polıtseıler esirtki aınalymynyń aldyn alý maqsatynda túzeý mekemesin teksergenin habarlaǵan edik.
