Shyǵys Qazaqstan aýyldarynda kóshelerdi sý basty
ÓSKEMEN. KAZINFORM — Shyǵys Qazaqstan oblysynda sońǵy kúnderi erigen qar sýy aýyl kóshelerin basyp jatyr.
Óńirde qardyń tolassyz jaýǵanyna birneshe kún boldy. Sonyń saldarynan erigen qar sýy Óskemendegi Ahmer kentine, Katonqaraǵaı aýdanyndaǵy Altynbel aýylyndaǵy kóshelerge kirgen. Zaısan qalasyndaǵy Jaqsylyqov, Noǵaıbaev, Maldybaev kóshelerin de sý basty.
ShQO Tótenshe jaǵdaılar departamentiniń málimetine súıensek, qazirgi ýaqytta sý sorylyp, jaǵdaı baqylaýǵa alyndy. Abyroı bolǵanda, úılerge sý kirgen joq.
— Búgin Kúrshim aýdany Býrabaı aýylyndaǵy Ulan kóshesinde jer úıdiń aýlasyna sý kirdi. Bul úıde jalǵyzbasty qart áıel turady. Qazirgi ýaqytta sol jerge qutqarýshylar men arnaıy tehnıka baryp, tıisti jumystardy júrgizýde, — dep habarlady departamenttiń baspasóz qyzmetinen.
