Shetelde qurastyrylǵan kólikter jıi órtenedi
ASTANA. QazAqparat – Elordada órtengen kólikterdiń kóbi shet elderde jasalǵan temir tulparlar. Muny Astana qalasynyń kommýnıkatsııalar qyzmetinde ótken brıfıngide Tótenshe jaǵdaılar departamenti memlekettik órt baqylaý basqarmasynyń bastyǵy Erkin Otarǵalymuly aıtty, dep habarlaıdy QazAqparat tilshisi.
«Órttiń basym deni shet elderde qurastyrylǵan avtomobılderde bolady. Uzaq qyzmet etý merzimi de, básekelestik ortada tehnıkalyq tekserýdiń sapasyz júrgizilýi de áser etedi», - dedi Erkin Otarǵalymuly.
Spıker órttiń aldyn alý úshin tehnıkalyq tekserýden ótý tártipterin qatańdatý boıynsha sharalar qabyldanyp jatqanyn atap ótti.
Sondaı-aq ol myna erejeler men talaptardy únemi qaperde ustaýǵa shaqyrdy:
- kóliktege aqaýlardy ýaqytyly joıý, elektr symdardy, bak jáne benzın turatyn júıelerdiń tehnıkalyq jaı-kúıin baqylaý;
- qosymsha jabdyqty ornatý jáne qyzmet kórsetý sharalaryn tek mamandandyrylǵan ortalyqtarda júrgizý;
- kólikte órt sóndirgish ballondardyń bolýy;
- salqyn kúnderi qozǵaltqyshty ashyq kúıdegi otpen jylytpaý.
