Sherzat isi taıaý kúnderi sotqa joldanady

ASTANA. KAZINFORM — QR Іshki ister mınıstriniń orynbasary Sanjar Ádilov Sherzat Polattyń ólimine qatysty is sotqa osy aptada túsýi múmkin ekenin aıtty. Degenmen ol negizgi sot otyrysy qashan bastalatynyn naqtylamady.

- Qazir Sherzattyń isi prokýratýranyń qaraýynda jatyr. Taıaý kúnderi, ıaǵnı osy aptada sotqa joldanady dep sanaımyz. Al sot otyrysynyń qashan bastalatynyn sottyń ózi sheshedi. Іs sotqa túsken kezde, ony qaraıtyn sýdıa anyqtalady, - dedi S. Ádilov Parlament Májilisinde tilshiler suraǵyna jaýap bere otyryp.

Eske salaıyq, byltyr 4 qazan kúni tóbelesten 16 jasar jasópirim qaıtys bolǵanyn jazǵanbyz.

Bıyl aqpan aıynyń aıaǵynda Sherzat isine qatysty qylmysty tergeý aıaqtalǵany jarııalandy.

Taraptar qylmystyq is materıaldarymen tolyq tanysyp, is sotqa jiberý úshin prokýrorǵa joldanǵan.

Polıtsııa málimetinshe, tergeý barysynda 40 sot saraptamasy júrgizilip, shamamen 200 kýágerden jaýap alynǵan. Barlyq kúdiktiniń oqıǵa ornynda aıtqan jaýaptary tekserildi, protsess qatysýshylary arasynda bettestirýler ótkizildi.