Pekın Vashıngtonnyń Qytaı munaı kompanııalaryna salǵan sanktsııasyna qarsy shyqty
ASTANA. KAZINFORM — Qytaı bıligi ulttyq kompanııalarǵa AQSh-tyń Iranmen baılanysty bes qytaılyq munaı-hımııa kásipornyna qarsy engizgen sanktsııalaryn elemeýdi mindetteıtin sheshim qabyldady. Bul týraly Qytaıdyń Saýda mınıstrligi óz saıtynda habarlady, dep BELTA jazdy.
Qujatta AQSh engizgen sanktsııalar «tanylmaýy, oryndalmaýy jáne saqtalmaýy tıis» ekeni kórsetilgen. Pekın bul sheshimdi sheteldik zańdardyń eksterrıtorııalyq qoldanylýyna qarsy ulttyq mehanızmge súıene otyryp qabyldaǵan.
Qytaı Saýda mınıstrliginiń málimdeýinshe, Vashıngton qalypty kommertsııalyq qyzmetti zańsyz shektep, halyqaralyq qatynastardyń jalpy qabyldanǵan normalaryn buzyp otyr.
Buǵan deıin AQSh Iran munaıymen baılanysty operatsııalarǵa qatysy bar degen negizben Qytaıdyń, sonyń ishinde iri munaı óńdeý kompanııasy Hengli Petrochemical sııaqty bes kásipornyn sanktsııalyq tizimge engizip, olardyń aktıvterin buǵattap, tranzaktsııalarǵa tyıym salǵan bolatyn.
Buǵan deıin Tramp reseılik munaıǵa salynǵan sanktsııalardy ýaqytsha jeńildetken bolaty.
