Sheremetevo áýejaıynda eki ushaq soqtyǵysty

ASTANA. KAZINFORM — Máskeýdiń Sheremetevo áýejaıynan Sankt-Peterbýrgke attanýǵa daıyndalyp turǵan «Rossııa» áýe kompanııasynyń ushaǵy basqa áýe kompanııasynyń ushaǵymen soqtyǵysyp, zaqymdandy, dep habarlaıdy TASS.

Áýe kompanııasy jolaýshylardy basqa ushaqqa aýystyrdy.

— Aldyn ala málimet boıynsha FV6097 Máskeýden Sankt-Peterbýrgke reısin oryndaýǵa daıyndalyp turǵanda, basqa áýe kompanııa ushaǵynyń qanaty tıip, zaqymdanǵan, — delingen habarlamada.

Áýe kompanııanyń málimetinshe, qazirgi ýaqytta tehnıkalyq qyzmet mamandary ushaqty tekserip jatyr. Jolaýshylar Máskeý ýaqyty boıynsha 23:08–de rezervtik ushaqpen Sankt-Peterbýrg reısine otyrǵyzyldy.

Sheremetevo áýejaıynyń onlaın ushý aqparat taqtasynyń málimetinshe, FV6097 reısi Máskeý ýaqytymen 20:30–da ushyp shyǵýy tıis bolǵan, biraq reıs 23:39–da oryndaldy.

Aıta keteıik, 13 jasar bala Kabýldan Delıge deıin ushaqtyń shassı qýysyna tyǵylyp ushqan.