Shaı baǵasy bir jylda 18,3% qymbattady – statıstıka

ASTANA. QazAqparat – Qazaqstanda qara shaı baǵasy bir jylda 18,3% qymbattady. Bul týraly Ulttyq statıstıka bıýrosynan málim etti, dep habarlaıdy QazAqparat.

Qazan aıynda qara shaıdyń bir kelisi orta eseppen 4 434 teńgeden satyldy. Bul byltyrǵy qazan aıymen salystyrǵanda 18,3% qymbat.

Eń qymbat shaı Astananyń bólshek saýda oryndarynda saýdalandy – bir kelisi 4725 teńge. Sondaı-aq qymbat baǵa Qyzylorda (4 638 tg/ kg), Shymkent (4 626 tg/kg), Almaty (4 597 tg/kg) jáne Aqtaý (4 466 tg/kg) qalalarynda tirkeldi. Shaıdyń eń arzan baǵasy Jezqazǵanda – kelisi úshin 3 943 teńge. Qalǵan aımaqtarda ortasha baǵa 4 000-4 500 teńge aralyǵynda.
Qazaqstandyqtar salmaǵy 250 gramdyq bir qorap shaıdy 1 108 teńgeden satyp ala alady. El turǵyndary aıyna orta eseppen 127 gr shaı tutynady.
Qazaqstan qara shaıdy negizinen Qytaı, Úndistan, Iran, Shrı-Lanka, Pákistan, Túrkııa, Vetnam, Kenııa jáne Ýgandadan ımporttaıdy.