Shashtaraz túrme bastyǵyn óltirdi

ASTANA. QazAqparat - Tájikstannyń Kýlıab okrýginde tergeý ızolıatorynda shashtaraz bolyp jumys isteıtin sottalýshylardyń biri atalǵan ızolıatordyń bastyǵyn baýyzdap jibergen. Bul týraly «Avesta» habarlaıdy.

Aldyn ala málimetter boıynsha, tergeý ızolıatorynyń bastyǵy Kaıým Ýmarovty Ýmed Teshaev esimdi jazasyn óteýshi óltirgen. Ol kisi óltirý faktisi boıynsha 17 jylǵa sottalǵan bolatyn. Atap aıqanda, ol byltyr Abdýrasýl Álıevtiń denesine 54 ret pyshaq salyp óltirgen. Oqshaýlaǵyshta otyrǵan Teshaevti kolonııaǵa qashan jiberý tıis bolǵandyǵy týraly áli habarlanǵan joq.

«Ozodı radıosynyń» taratqan habarlamasynda aıtylǵanyndaı, tergeý ızolıatorynyń bastyǵy men qandyqol qylmyskerdiń arasynda janjal týýy múmkin. Kaıým Ýmarov atalǵan oqshaýlaý ortalyǵyn sońǵy 15 jyl basqaryp kelgen eken.