Sharadarada tórt balanyń anasy úshem týdy

ShARDARA. QazAqparat – Túrkistan oblysynyń Shardara aýdanynyń turǵyny Meıramgúl Mámbetova úshem bosandy. Kóksý aýlynda turatyn Saparovtar otbasy osylaısha Janerke, Aman, Esen esimdi sábılermen tolyqty, dep habarlaıdy QazAqparat tilshisi.

Tórebek Saparov pen Meıramgúl Mámbetova - endigi jerde jeti balanyń ata-anasy. Buǵan deıin eki ul, eki qyz ósirip kelgen otbasyna taǵy eki ul, bir qyz qosylyp otyr.

Bul - bıyl oblystyq №1 perınataldy ortalyqta dúnıege kelgen úshinshi úshem. Qazir ananyń da, sábıleriniń de jaǵdaıy jaqsy. Kúndiz-túni dárigerlerdiń baqylaýynda.

Eki uldyń salmaǵy - 2300 gramnan bolsa, qyzdyń salmaǵy — 1700 gramm. Birinshi kúni náresteler jansaqtaý bóliminde jatsa, keıin olar patologııa bólimine aýystyryldy.

Aıta keteıik, Meıramgúl Mámbetova Kóksý aýylyndaǵy «Aılın» balabaqshasynda tárbıeshi bolyp eńbek etedi. Al, otaǵasy Tórebek Saparov - aýyldaǵy S.Erýbaev atyndaǵy jalpy orta mektebinde ustaz.

Aıta ketý kerek, Shardara aýdanynda byltyr da úshem dúnıege kelgen. Jalpy sońǵy 10 jylda Meıramkúl Mambetova - aýdan boıynsha úshemdi dúnıege ákelgen tórtinshi ana.

Bıyl oblystyq perınataldy ortalyqta 150-ge jýyq egiz dúnıege kelgen.