Shalǵaıdaǵy aýdandarǵa uıaly baılanys qashan qosylady
ASTANA. KAZINFORM — Jasandy ıntellekt jáne tsıfrlyq damý mınıstrligi SpaceX kompanııasynyń Direct-to-Cell (D2C) spýtnıktik baılanys tehnologııasyn engizýge qatysty túsinik berdi.
- Qazaqstan SpaceX kompanııasynyń Direct-to-Cell (D2C) spýtnıktik tehnologııasyn engizýdi bastaǵan álemdegi alǵashqy elderdiń biri. Bul joba elimizde 2026 jyldan bastap kezeń-kezeńimen iske asyrylady. Tehnologııany daıyndaý barysyndaǵy mańyzdy qadam retinde 2025 jyldyń jeltoqsanynda QR Premer-mınıstriniń orynbasary – Jasandy ıntellekt jáne tsıfrlyq damý mınıstri Jaslan Mádıev, «Beeline Qazaqstan» prezıdenti Evgenıı Nastradın jáne SpaceX (Starlink) kompanııasynyń mamandary Ortalyq Azııada alǵash ret D2C tehnologııasyna dalalyq synaqtar júrgizdi, - delingen mınıstrliktiń Kazinform agenttigine bergen jaýabynda.
Synaq barysynda qarapaıym mobıldi telefonnyń kómegimen Starlink spýtnıktik jelisi men Beeline-nyń jerústi jelisiniń ıntegratsııasy arqyly habarlamalar men messendjerdegi qońyraý sátti júzege asyryldy.
Vedomstvo aqparatyna qaraǵanda, Direct-to-Cell tehnologııasynyń basty artyqshylyǵy — standartty smartfondardy eshqandaı qosymsha jabdyqsyz tikeleı spýtnıkke qosý múmkindigi.
- Bul dástúrli telekommýnıkatsııalyq ınfraqurylym joq aımaqtarda — taýly jerlerde, jazyq dala men shalǵaıdaǵy aýdandarda bazalyq baılanystyń qoljetimdi bolatynyn bildiredi. Atap aıtqanda, tehnologııa kezeń-kezeńimen engiziledi. Bastapqy kezeńde paıdalanýshylar SMS-habarlamalar jibere alady, al kelesi kezeńderde dybystyq baılanys pen basqa da servıster qosylady. 2027 jyly negizgi qyzmet túrleriniń basym bóligi iske qosylady dep josparlanǵan, - dep atalyp ótken Jasyndy ıntellekt mınıstrligi málimetinde.
Buǵan deıin Qazaqstandaǵy mekterdiń birazy ne sebepti Starlink júıesinen bas tartqanyn jazǵan edik.
