Serik Jumanǵarın: Tarıfterdiń ósimin 15 paıyzben shektedik

ASTANA. KAZINFORM – Premer-mınıstrdiń orynbasary – Ulttyq ekonomıka mınıstri Serik Jumanǵarın Úkimet otyrysynda tarıf saıasatyn qaıta qaraýdyń alǵashqy nátıjelerin aıtty.

- 6 aıda retteletin qyzmetterdiń tarıfi orta eseppen 14% ósti. Tarıfterdi ósirý ınfraqurylymdy jańǵyrtýǵa qajet qarajat ákeledi. Tek bıyl ǵana turǵyn úı-kommýnaldyq sharýashylyq salasynda 150 mlrd teńgeden astam somanyń ınvestıtsııasy ıgerildi. Jyl sońyna deıin ınvestıtsııa kólemi 1 trln teńgeden asady, - dedi. Ulttyq ekonomıka mınıstri.

Sondaı-aq, ol bıyl tarıfter shamamen 15-20 paıyz kóleminde ósetinin aıtty.

- Bul rette biz halyqqa túsetin júktemeni tejep otyrmyz. Buǵan deıin josparlanǵan tarıf saıasatyn qaıta qaraýdyń arqasynda bıyl tarıfterdiń boljamdy ósýi 15-20% shekteldi. Onyń ishinde elektrmen jáne jylýmen jabdyqtaý tarıfteri 35-ten 20-ǵa deıin%, sýmen jabdyqtaý, sý burý jáne gazben jabdyqtaý tarıfteri 50-den 30% - ǵa deıin, - dedi vıtse-premer.

Buǵan deıingi Ulttyq bank tóraǵasy Tımýr Súleımenov Úkimettiń kommýnaldyq tarıfterdi kóterý sharasyn keıinge qaldyrý týraly sheshimin ýaqtyly ári oryndy qadam dep baǵalaıtynyn jazǵan edik.