Serik Sápıev bokstaǵy armanyn eske aldy

NUR-SULTAN. QazAqparat – Bokstan 2012 jylǵy Olımpıada chempıony Serik Sápıev sporttyq mansabyndaǵy bas júldeni qalaı jeńip alǵanyn jáne odan keıin qolǵappen qoshtasý sheshimin qalaı qabyldaǵanyn eske aldy. Bul týraly QazAqparat Sports.kz saıtyna silteme jasap habarlaıdy.

«Jas sportshy bolǵanda, ómirimdegi eń asqaq armandarymnyń biri – Olımpıada chempıony ataný edi. Men úshin bul tıtýlǵa ıe bolý úlken qurmet boldy. Oǵan qosa, Vel Barker júldesimen marapattaldym. Olımpıada chempıony ataný maqsaty oryndaldy. 2012 jyly Londondaǵy Olımpıada oıyndary kezinde altyn medalǵa qol jetkizdim. Alaıda bul jeńisten keıin jattyqtyrýshylarymnyń sózderine qulaq asyp, bokstaǵy jolymdy aıaqtaý sheshimin qabyldadym. Bul – óte mańyzdy sheshim ekenine qaramastan, birinshi kezekte óz densaýlyǵyma kóńil bólýdi jón kórdim.

Árıne, keıde artyma qarap, ishimnen kásipqoı boksqa ótýim jón be edi dep oılap qoıamyn. Biraq, qalaı bolǵanymen, ótken kún men búginime rızamyn», - dep baıandady QR Mádenıet jáne sport mınıstrligi Sport jáne dene shynyqtyrý isteri komıtetiniń tóraǵasy Serik Sápıev The Ring-men áńgime barysynda.