Senatta bıýdjet jobasy talqylanady
ASTANA. 14 naýryz. QazAqparat - Erteń beısenbi, 15 naýryz kúni QR Parlamenti Senatynyń kezekti otyrysy ótedi dep josparlanýda.
Kún tártibinde «Qazaqstan Respýblıkasynyń Ulttyq qorynan 2012-2014 jyldarǵa arnalǵan kepildendirilgen transfert týraly» Qazaqstan Respýblıkasynyń Zańyna ózgeris engizý týraly», «2012 - 2014 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyna ózgerister men tolyqtyrýlar engizý týraly» zań jobalary talqylanady dep kútilýde. Bul týraly Senattyń baspasóz qyzmetinen habarlandy.
Budan bólek, palatanyń jalpy otyrysyna Májilis maquldaǵan Ujymdyq qaýipsizdik týraly shart uıymynyń qyzmetine qatysty birqatar kelisimder de shyǵarylyp otyr.
Sonymen qatar, senatorlar Taýar tańbalary jónindegi Sıngapýr shartyn, sondaı-aq Qazaqstan men Úndistan arasyndaǵy Azamattyq ister boıynsha quqyqtyq kómek kórsetý týraly shartty talqylaıtyn bolady.
