Senatorlardyń qataryna eki depýtat qosyldy

ASTANA. QazAqparat - Ortalyq saılaý komıssııasy Qazaqstan Respýblıkasy Parlamenti Senatynyń jańa depýtattaryn tirkedi, dep habarlaıdy QazAqparat tilshisi.

Senat depýtatynyń kýáligin jańa senatorlarǵa Ortalyq saılaý komıssııasynyń tóraǵasy Berik Imashev tabys etti.

Depýtattardyń ekeýiniń esimi Darhan Amangeldiuly Satybaldy men Nurlan Qudııaruly Beknazarov. Ekeýi de «Nur Otan» partııasynyń múshesi, qazaq.

Darhan Amangeldiuly Satybaldy 1974 jyly týǵan. Kezinde Ońtústik Qazaqstan oblysy ákiminiń orynbasary bolǵan. Sonymen qatar, QR UQK departament bastyǵy qyzmetin atqarǵan. Shymkent qalasynyń ákimi bolǵan.

Nurlan Qudııaruly Beknazarov 1964 jyly dúnıege kelgen. Senat depýtaty bolmaı turyp Shymkent qalasy máslıhatynyń hatshysy qyzmetin atqarǵan. Ár jyldary «Sanýr» kompanııasynyń vıtse-prezıdenti, «TransOıl» uıymyn basqarǵan.

Senat depýttarynyń qatary budan bylaı 49 bolatyn boldy.