Semeıdegi aspaly kópirge zaqym keldi

ASTANA. KAZINFORM — 2025 jyldyń 13 aqpanynda saǵat 11:05–te Holodnyı Klıých kentindegi («Bolshoı Ostrov» saıajaı massıvi) aspaly kópirdiń zaqymdanýy týraly turǵyndardan habarlama kelip tústi.

Qalalyq ákimdiktiń málimetinshe, Holodnyı Klıých kentindegi kópirdi qalpyna keltirý jumystary júrgizilip jatyr.

— Holodnyı Klıých kentindegi kópirdi qalpyna keltirý jumystary júrgizilýde. Zardap shekkender joq. Kópirdiń eni 1,5 metr, uzyndyǵy 100 metr. Kópir astyndaǵy sýdyń tereńdigi shamamen 3 metr, al sý deńgeıinen qurylymǵa deıingi qashyqtyq 50–60 sm quraıdy. Jaǵdaı Semeı qalasy ákimdiginiń baqylaýynda, — delingen ákimdik habarlamasynda.

Buǵan deıin habarlanǵandaı, sot múmkindigi shekteýli semeılik azamatty turǵyn úımen qamtýǵa mindettedi.