Semeıdi aınalyp ótetin jol salynbaq
SEMEI. KAZINFORM — Semeı qalasyn aınalyp ótetin jol qurylysyn 2028 jylǵa deıin salý josparlanyp otyr.
Joba qazaq-qytaı kásiporyndarynyń birlesken konsortsıýmy negizinde bıylǵy tamyz aıynda bastalady. Jospar boıynsha jol 2028 jylǵa deıin salynyp bitýi tıis.
Atalǵan bastama Qazaqstan Respýblıkasynyń 2030 jylǵa deıingi kólik-logıstıkalyq áleýetin damytý tujyrymdamasy sheńberinde halyqaralyq qarjy ınstıtýttarymen birlesip iske asyrylatyn erekshe mańyzy bar jobalar tizbesine engizilgen.
— Oblys ákimi Berik Ýálı men «China Railway Asia-Europe Construction Investment Co.LTD» kompanııasynyń bas dırektory Chjoý Haıveı Semeı qalasyn aınalyp ótetin avtojol qurylysyn júzege asyrýǵa baǵyttalǵan kelisimge qol qoıdy. Jańa aınalma joldyń salynýy óńirdiń logıstıkalyq áleýetin arttyryp, toǵyz joldyń torabyndaǵy Semeı qalasynyń kólik júktemesin azaıtýǵa múmkindik beredi, — dep habarlady Abaı oblysy ákimdiginen.
Aıta keteıik, Semeıdegi aspaly kópir arqyly jylyna 700 myńǵa jýyq kólik ótedi.
Eske salsaq, osyǵan deıin Semeıdegi aspaly kópirde kólik qozǵalysy shekteletindigi jaıly jazǵanbyz.