Saýda mınıstrligi baǵa turaqtylyǵyn baqylaýdy kúsheıtpek
ASTANA. KAZINFORM – Mınıstr Arman Shaqqalıev baǵany turaqtandyrýǵa baǵyttalǵan qosymsha sharalardy jarııalap, keń kólemdi «Bereke Fest» aktsııasynyń ótetinin habarlady. Bul týraly Saýda jáne ıntegratsııa mınıstrligi málim etti.
Saýda mınıstrligi áleýmettik mańyzy bar azyq-túlik taýarlaryna saýda ústemesiniń saqtalýyn baqylaýdy kúsheıtpek. Saýda jáne ıntegratsııa mınıstri Arman Shaqqalıevtiń tóraǵalyǵymen elimizdiń barlyq óńirlerinen 80-nen astam saýda jelileriniń ókilderi qatysqan keńeıtilgen otyrys ótti. Іs-sharaǵa Qazaqstan saýda jelileri qaýymdastyǵy, oblys ákimderiniń orynbasarlary, sondaı-aq Magnum Cash& Carry, Small& Skif, Anvar, Dina, Dana, Norma, Metro, Toimart, Galmart, INMART, Greenwich jáne basqada iri saýda jelileri qatysty.
— Mınıstr Úkimet bekitken áleýmettik mańyzy bar taýarlarǵa 15% mólsherindegi saýda ústemesin saqtaý qajettigin eske salyp, buzýshylyq oryn alǵan jaǵdaıda qatań sharalar qoldanylatynyn eskertti. Jyl basynan beri Mınıstrliktiń aýmaqtyq departamentteri 2562 ákimshilik qaýly qabyldady, onyń ishinde 1360-y — 56,5 mln teńgeden astam somaǵa aıyppul, 1202-i — eskertý. ÁQBtK-niń 204-4-babyna sáıkes ÁMAT-qa saýda ústemesin asyryp jibergeni úshin 2191 qaýly shyǵaryldy, sonyń ishinde 1020-sy — 39,6 mln teńgege aıyppul salyndy, — delingen habarlamada.
Et ónimderi naryǵynda belgilengen saýda ústemesiniń saqtalýyna erekshe nazar aýdaryldy. Áleýmettik mańyzy bar sıyr etine ústeme baǵany asyrǵany úshin 45 qaýly rásimdeldi, onyń 33-i — aıyppul. Saýda mınıstrligi Aýyl sharýashylyǵy mınıstrligimen birlesip, etónimderin saýda oryndaryna jetkizý kezinde ústeme baǵanyń saqtalýyn baqylaý úshin qosymsha monıtorıngtik toptar qurýda. Sondaı-aq áleýmettik mańyzy barazyq-túlik taýarlaryn ótkizýde jasyryn qymbattaý shemalaryn jáne retro-bonýstardy alyp tastaýǵa baǵyttalǵan zańnamalyq ózgerister daıyndalyp jatyr.
Aımaqtyq komıssııalardyń jumysy aıasynda jyl basynan beri 747 otyrys ótkizilip, 2301 buzýshylyq faktisi anyqtaldy, 1956 ákimshilik qaýly qabyldandy, 345 ónimsiz deldaldar alynyp tastaldy. Elektrondy shot-faktýralardy taldaý barysynda 9015 myń taýarlyqtizbektiń ishinen 823 táýekeldi buzýshylyq anyqtaldy.
Budan bólek, Saýda jáne ıntegratsııa mınıstrliginiń bastamasymen elimizdegi iri saýda jelilerinde «BerekeFest» aktsııasy bastalatynyn habarlaımyz. Aktsııa aıasynda jańa ónimder, ásirese halyqtyń suranysyna ıe jańa pisken kókónister, jemister men sıyr eti usynylady. Saýda jelileri qazaqstandyq óndirýshiler úshin arnaıy oryndar bólip, ónimderdi naryqtan tómen baǵada satýǵa múmkindik beredi. Bul ishki óndiristi qoldap qanaqoımaı, birinshi qajettiliktegi azyq-túlik baǵasynyń turaqtanýyna yqpal etedi. Sonymen qatar Aýyl sharýashylyǵy mınıstrligi men jergilikti ákimdiktermen birlesip, óńirlerde aýyl sharýashylyǵy jármeńkeleriniń sany kóbeıtilip jatyr. Bul óz kezeginde tutynýshylardyń sapaly otandyq taýarlarǵa tikeleı qol jetkizýinejaǵdaı jasap, deldaldardyń sońǵy baǵaǵa yqpalyn tómendetedi.
Al Májilis depýtaty Jıgýlı Daırabaev etti alypsatarlar qoldan qymbattatyp otyrǵanyn aıtqan edi.