Saýd Arabııasynyń bas múftıi qaıtys boldy

ASTANA. KAZINFORM — Saýd Arabııasynyń bas múftıi, ári shırek ǵasyrdan astam ýaqyt boıy eldiń eń joǵary dinı jetekshisi bolǵan, jasy 80-nen asqan Sheıh Abdúlázız bın Abdýlla ál-Sheıh seısenbi kúni ómirden ótti, dep habarlaıdy TRT aqparattyq agenttigi.

Mekke men Mádına sııaqty Islamnyń qasıetti qalalary ornalasqan Saýd Arabııasy — ár musylman ómirinde bir ret oryndaýy tıis qajylyqtyń mekeni. Sondyqtan bas múftı Sheıh Abdúlázızdiń málimdemeleri árqashan erekshe nazarda bolatyn.

Sońǵy jyldary áıelderge kólik júrgizýge ruqsat berý, kınoteatrlardyń ashylýy sııaqty áleýmettik turǵydan lıberal qadam basyp, Koroldikpen tyǵyz baılanysty bolǵan Sheıh Abdúlázız DAISh pen Ál-Kaıda sekildi ekstremıstik uıymdardy aıyptaǵan edi.

Koroldikti 89 jastaǵy Salmannyń atynan basqaryp otyrǵan taq murageri Muhammed bın Salman seısenbi túni Er-Rııadta ótken janaza namazyna qatysty.

Saraı málimdemesinde: «Koroldik pen ıslam álemi musylmandarǵa zor qyzmet etken kórnekti ǵalymnan aıryldy» delingen.

Jastaıynan kórý qabiletinen aırylǵan Sheıh Abdúlázız 1999 jyly Saýd Arabııasynyń Koroli Fahdtyń tusynda bas múftı bolyp taǵaıyndalǵan edi.

Eske sala keteıik, buǵan deıin Arab elderi batystyń Palestınany moıyndaýyn qýanyshpen qabyldaǵany týraly jazǵamyz.