Saryaǵash aýdanynda jańa mektep paıdalanýǵa berildi
SARYAǴASh. QazAqparat – Túrkistan oblysy, Saryaǵash aýdanynda jańa mektep paıdalanýǵa berildi, , dep habarlaıdy QazAqparat tilshisi.
Qurkeles aýyldyq okrýgine qarasty Aq úı eldimekeninde ashylǵan №69 orta mektebiniń ashylý saltanatyna aýdan ákimi Muhıt Otarshıev qatysyp, ustazdar men oqýshylardy bilim kúnimen quttyqtady.
Osynaý qýanyshty kúnde sóz alǵan aýdan basshysy sondaı-aq jańa oqý jylynda jańa tabystar,jetistikter tiledi. Al, 1-shi synypqa baratyn mektep oqýshylary alǵashqy qońyraý soǵyp, mektep dırektory N.Kýlbaevaǵa jańa mekteptiń kilti tabystaldy. Bul kúni aýdandaǵy №55 Ó.Jáýtikov atyndaǵy jalpy bilim beretin orta mektebiniń 240 oryndyq qosymsha ǵımaraty da paıdalanýǵa berildi. Mektepte bilim kúni is-sharasy ótkizilip, oǵan aýdan ákiminiń orynbasary M.Seıtımbetov,aýdandyq bilim bóliminiń bas mamany E.Kóshkinbaev jáne ata-analar qatysty. Aıta keteıik, bıylǵy jańa oqý jylynda aýdanda 53000-ǵa jýyq oqýshy bilim alady. 1 synypqa 6500 oqýshy qabyldansa, 2580 oqýshy mektepti aıaqtaıdy dep josparlanǵan. Ótken jyly saryaǵashtyq oqýshylar oblystyq, respýblıkalyq, halyqaralyq olımpıadalarda, ǵylymı zertteý jumystarynda, sporttyq jarystarda júldeli oryndarǵa ıe boldy.
