Saryaǵashta 1 mln teńge bopsalaǵan bloger ustaldy

TÚRKІSTAN. KAZINFORM — Túrkistan oblysynda 1 mln teńge bopsalaǵan bloger qolǵa tústi. Bul týraly Polisia.kz jazdy. 

— Tergeý málimetteri boıynsha, Saryaǵash aýdanynyń 34 jastaǵy turǵyny mektepterde bilim berý jobasyn júzege asyrýǵa kedergi keltiremin dep qorqytyp, uıymdastyrýshylardan 1 mln teńge talap etken. Tekserý kezinde ustalǵan adamnan qarajat aýdarylǵan somasy bar bank kartasy men jýrnalıstiń qyzmettik kýáligi tabyldy, — delingen habarlamada. 

Kúdikti óńirde bloger retinde tanymal, áleýmettik medıa paraqtaryn belsendi júrgizedi.

Bopsalaý faktisi boıynsha qylmystyq is qozǵaldy, tergeý amaldary júrgizilip jatyr.

Aıta ketelik, buǵan deıin bodı massajdy jeleý etip 2 mıllıard teńge tabys tapqan Astana turǵyny ustaldy.