«Samuryq-Qazyna» AQ-da kadrlyq ózgerister boldy
«Samuryq-Qazyna» AQ basqarma tóraǵasy Ómirzaq Shókeevtiń buıryǵymen Baljıt Kaýr hanym basqarýshy dırektor bolyp taǵaıyndaldy. Ol Qordyń strategııasy jáne portfeldik ınvestıtsııalaryn jaýap beretin bolady.
Baljıt Kaýr hanym Azııa Damý Banki Ulttyq Qorynyń Damý baǵdarlamalary jónindegi aǵa keńesshisi, Kuwait Investment Authority & Kuwait Finance House basqarýshy dırektory, keıinnen vıtse-tóraıymy, ABN AMRO Bank, Maybank Malaysia jáne Deutsche Bank vıtse-prezıdenti qyzmetterin abyroımen atqarǵan. Atalǵan bankter men qarjylyq kompanııalardaǵy joǵary basqarýshylyq halyqaralyq tájirıbesi 14 jyl. Ol osyǵan deıin ulttyq ál-aýqat qorlarynyń josparlaý jáne strategııalaryn, portfeldi ártaraptandyrý men daǵdarysty eńserý josparlaryn júzege asyrý, ekonomıkalyq ósim strategııalaryn, damý strategııalaryn basqarý men iske asyrý, transformatsııa, ınvestıtsııalar, munaı men gaz, ınfraqurylymdar, energetıka, jyljymaıtyn múlik salalaryndaǵy ıslamdyq qarjylandyrý baǵyttaryn jaýaptanǵan.
Budan bólek, jańa uıymdastyrýshylyq qurylym aıasynda:
- Elena Bahmýtova qarjy jáne operatsııalar jónindegi basqarýshy dırektor laýazymyna aýystyryldy. Buǵan deıin ol Qordyń basqarma tóraǵasynyń orynbasary qyzmetin atqarǵan bolatyn. «Samuryq-Qazyna» Qoryna deıin QR Ulttyq banki qarjylyq qadaǵalaý departamentiniń dırektory, Qazaqstan Respýblıkasy qarjy naryǵy men qarjylyq uıymdardy retteý jáne qadaǵalaý jónindegi Agenttiginiń tóraıymy qyzmetterin atqarǵan;
- Berik Beısenǵalıev aktıvterdi ońtaılandyrý jónindegi basqarýshy dırektor laýazymyna aýystyryldy. Osyǵan deıin ol Qordyń bıznesti damytý jónindegi bas dırektory qyzmetin atqaryp, ınvestıtsııalyq qyzmet, korporatıvtik qarjy, qarjy aktıvterin basqarý men qazynashylyq máselelerin jaýaptanyp keldi. «Samuryq-Qazyna» Qoryna qyzmet aýystyrǵanǵa deıin «ATFBank» AQ basqarýshy dırektory - basqarma tóraǵasynyń birinshi orynbasary, «Astana Capital Investment Group» ınvestıtsııalyq kompanııasynyń bas dırektory, «KazAgro» holdınginiń basqarma tóraǵasy qyzmetterin atqarǵan;
- Adamas Ilkıavıchıýs transformatsııa jáne arnaıy jobalar jónindegi basqarýshy dırektor qyzmetine aýystyryldy. Buryn ol bıznesti transformatsııalaý jónindegi bas dırektor qyzmetin atqarǵan. Ol 17 jyl halyqaralyq kompanııalardy eńbek etip, ondaǵy transformatsııa bastamalaryn, modeldeý, reınjınırıng pen qyzmet tıimdiligin arttyrý salalaryn jaýaptanǵan;
- Darhan Káletaev Úkimetpen ózara is-qımyl jáne kommýnıkatsııalar jónindegi basqarýshy dırektor bolyp taǵaıyndaldy. Buǵan deıin ol jurtshylyqpen baılanys jónindegi basqarýshy dırektor bolyp eńbek etti. 2007 jyly QR Prezıdenti Ákimshiligi jetekshisiniń orynbasary, 2008-2009 jyldary - «Nur Otan» HDP Tóraǵasynyń birinshi orynbasary qyzmetterin atqarǵan;
- Ulan Tájibaev adam resýrstaryn basqarý jónindegi basqarýshy dırektor bolyp taǵaıyndaldy. Buǵan deıin Qordyń apparat basshysy bolyp eńbek etken. Ál-Farabı atyndaǵy QazMÝ (Halyqaralyq qatynastar men quqyq) túlegi, MBA Instituto de Empresa (Ispanııa) Executive mártebesin alǵan;
- Erjan Tutqyshev jańa salalardy damytý jónindegi teń-basqarýshy dırektor bolyp taǵaıyndaldy. Búginge deıin ol bıznesti damytý jónindegi bas dırektordyń orynbasary bolatyn. «Bolashaq» baǵdarlamasynyń túlegi. «Qazaqstannyń Damý Banki» AQ, «Astana-fınans» AQ, Ernst&Young jáne PricewaterhouseCoopers kompanııalarynda, «Samuryq-Qazyna Invest» JShS tabysty eńbek etken.
Jańa uıymdastyrýshylyq qurylymda basqarma tóraǵasynyń orynbasary laýazymdary qysqarǵan. Osyǵan baılanysty Qor basshysynyń orynbasary Dáýren Erdebaı atalǵan laýazymda qyzmet atqarýdy toqtatty.
