Sahan Ábdiqasym «Almaty Barysy» atandy

ALMATY. KAZINFORM – Qalalyq irikteý týrnırinde jeńiske jetken Sahan Ábdiqasym «Qazaqstan Barysynda» Almatynyń namysyn qorǵaıdy.

Búgin Almatydaǵy Balýan Sholaq atyndaǵy sport saraıynda qazaq kúresinen «Almaty Barysy» irikteý týrnıri ótti. Sporttyq dodaǵa qalanyń 8 aýdanynan 2 sportshydan qatysty. Osylaısha, bas-aıaǵy 16 balýan ózara kil myqtyny anyqtady. Jarys barysynda jaýyryny jerge tımegen Sahan Ábdiqasym «Almaty Barysy» atandy. Úzdik úshtik qatarynda Aıbek Іztileýov jáne Sábıt Qaıratbek te bar.

Aıta keteıik, 28 jastaǵy Sahan Ábdiqasym – halyqaralyq dárejedegi sport sheberi, álem kýbogynyń qola júldegeri.