S.Myńbaev: 2041 jyldan keıin de Qashaǵannan munaı óndiriledi

ASTANA. QazAqparat - «2041 jyldan keıin de Qashaǵannan munaı óndiriledi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte «QazMunaıGaz» UK» AQ basqarma tóraǵasy Saýat Myńbaev aıtty.

«Qashaǵan boıynsha munaı óndirýdiń ónimdilik shegi barynsha joǵary. Meniń túsinýimshe, ol barreline 100 dollar tóńireginde bolady. Merdiger kompanııa úshin bul uzaqmerzimdi kezeńde qolaıly ekendigi túsinikti. Óıtkeni, olar mundaı alyp ken ornynyń bolashaǵyn baıqap otyr. Kelisimsharttyń formaldy merzimi - 2041 jylǵa deıin. Degenmen, Qazaqstan keminde áli de 50 jyl, tipti 2041 jyldan keıin de munaı óndiretin bolady», - dedi S.Myńbaev.

Mınıstrdiń atap ótýinshe, Teńiz ben Qarashyǵanaq ken oryndaryndaǵy munaı óndirý tıimdiligi Qashaǵan ken ornyna qaraǵandy birshama tómen. «Degenmen, bul ken oryndary munaıdyń qazirgi baǵasy kezinde de tıimdi», - dedi ol.