Ronaldý Aq úıde keshki asqa qatysyp, Tramptyń ulymen tanysty

ASTANA. KAZINFORM — Fýtbolshy Krıshtıaný Ronaldý Saýd Arabııasynyń taq muragerimen birge Aq úıde resmı keshki asqa qatysty, dep habarlaıdy USA Today.

— Meniń ulym Ronaldýdyń úlken jankúıeri. Berron onymen tanysa aldy, endi men sizderdi tanystyrǵannan keıin ol ákesin odan da qatty qurmetteıdi dep oılaımyn. Kelgenińiz úshin raqmet, bul úlken qurmet, — dedi Tramp.

Jaqynda Ronaldý da Trampqa degen súıispenshiligin bildirip, Amerıka prezıdenti — «álemdi ózgertýge kómektese alatyndardyń biri» dep málimdedi.

Keshki asqa sondaı-aq mıllıarder Ilon Mask jáne Apple kompanııasynyń bas dırektory Tım Kýkty qosa alǵanda basqa da yqpaldy bıznes kóshbasshylary qatysty. Bul Masktyń sáýir aıynda Tramp ákimshiligi Memlekettik basqarý tıimdiligi departamentiniń (DoGE) basshysy qyzmetinen ketkennen beri Aq úıge alǵashqy sapary boldy.

Posmotret etý pýblıkatsııý v Instagram

Pýblıkatsııa ot CRISTIANO RONALDO (@cristiano_fans_middle_east)

Tramp pen Mask arasyndaǵy dramalyq qaqtyǵys birneshe aı boıy jarııa túrde órship keldi, sonyń ishinde Masktyń jańa saıası partııany qurý týraly málimdemesi de bar.

40 jastaǵy fýtbolshy Saýd Arabııasynyń «Ál-Nasr» kásibı fýtbol klýbynda oınaıdy.

Jaqynda Ronaldý 2026 jyly Kanada, Meksıka jáne AQSh-ta ótetin mýndıal onyń quramamen qatysatyn sońǵy álem chempıonaty ekenin aıtty.