Rolan Garros týrnırine Qazaqstannan kimder qatysady
ASTANA. KAZINFORM - Parıjde ótetin bıylǵy Rolan Garros týrnırine qatysýshylardyń tizimi jarııalandy.
Rolan Garros stadıonynda 24 mamyr – 7 maýsym aralyǵynda ótetin negizgi jarysta Qazaqstannan jekeleı synda álemniń 2-raketkasy Elena Rybakına, sondaı-aq ATP reıtıngisinde 11-orynda turǵan Aleksandr Býblık, ıÝlııa Pýtıntseva (№80 WTA), Aleksandr Shevchenko (№82 ATP) baq synaıdy.
Sonymen qatar 18-22 mamyr aralyǵynda bolatyn irikteý saıysynda Tımofeı Skatov (№198 ATP) óner kórsetedi. Oǵan qosa kútý paraǵyna reıtıngide 282-satydaǵy Mıhaıl Kýkýshkın engizilgen.
Bıyl Rolan Garros óziniń 125 jyldyǵyn («Úlken dýlyǵa» esebinde 96 jyl) atap ótedi. Dodanyń júlde qory 61,7 mln eýroǵa baǵalanǵan, bul ótken jylǵydan 9,5 paıyz artyq.
Ótken jyly E.Rybakına men A.Býblık shırek fınalǵa, ıÝ.Pýtıntseva úshinshi, A.Shevchenko ekinshi aınalymǵa deıin jetken edi. Bıyl sol reıtıngilik upaılaryn qorǵaý asa mańyzdy.
Eske sala keteıik, budan buryn Shymkent týrnırinde Denıs Evseevtiń 18 jastaǵy Ámir Omarhanovty jeńgenin jazǵan bolatynbyz.
Sondaı-aq Anna Danılına Frantsııadaǵy týrnırdiń shırek fınalyna shyqty.
Shymkent týrnırinde Grıgorıı Lomakın jartylaı fınalǵa shyǵý úshin talasady.
