Rıo-de-Janeıroda denge qyzbasy órship tur

ASTANA. KAZINFORM – Rıo-de-Janeıro karnavaldan bir apta buryn denge epıdemııasy týraly habarlady. Álemge áıgili karnaval qarsańynda denge tropıkalyq bezgegi órship ketken. Bul týraly Azertag.az qala ákimi Edýard Paes-ke silteme jasap habarlady.

«Qańtarda tropıkalyq bezgekke shaldyqqandar sany 10 000 - nan asyp tústi. Qala tarıhynda aýrýhanaǵa jatqyzý boıynsha rekord jańarttyq, aǵymdaǵy jyldyń birinshi aıynda 362 adam tirkeldi»,-dedi ákim qalalyq densaýlyq saqtaý Hatshylyǵynyń basshysymen birlesken baspasóz máslıhatynda.

Qala basshysynyń aıtýynsha, aldaǵy kúnderi qalalyq ákimdik denge aýrýyna shaldyqqandarǵa alǵashqy kómek kórsetý jáne qabyldaý úshin 10 mobıldi ortalyq ashpaqshy.

Rıo-de-Janeıroda álemge áıgili karnavaldyń bastalýyna bir apta qaldy. Bıylǵy jyly mereke 10-13 aqpan aralyǵynda ótedi. Dese de jappaı merekeler bastalyp ketken. Bul naǵyz týrıster aǵylatyn maýsym. 2024 jyly karnavalǵa 2 mıllıonnan astam týrıst keledi kútiledi. Shahardyń qonaq úıleri 87% - ǵa tolǵan.

Denge bezgegi – qyzba, ıntoksıkatsııa, mıalgııa, artralgııa, bórtpe jáne lımfa túıinderiniń isinýimen birge júretin jedel, vektorlyq vırýstyq aýrý. Denge vırýsyn masalardyń analyq túri tasymaldaıdy degen boljam bar.

Jyl basynan beri dertke shaldyqqandar sany 50 myńǵa jetken. Onyń ishinde 12 ólim tirkelgen.