Respýblıka kúni óńirlerde qalaı toılanady
Astana: Aıtys, báıge, Roza Rymbaevanyń, 2rar, Yenlik jáne Qaırat Nurtastyń kontserti
«Bıyl Respýblıka kúni merekesine oraı 100-den astam merekelik shara ótkizýdi josparladyq. Onyń basym bóligi – mádenı-buqaralyq sharalar. Máselen, 25 qazan kúni 8 úlken kontsert ótedi. Teatr sahnalarynda taqyrypqa saı qoıylymdar qoıylady. Eń aýqymdy mádenı shara – EKSPO aýmaǵyndaǵy kontserttik baǵdarlama bolmaq. Onda tanymal shyǵarmashylyq ujymdar, ánshiler, ansamblder óner kórsetedi», - dedi D. Babamuratov Qazaqstan halqy Assambleıasynda ótken ǵylymı-praktıkalyq konferentsııada tilshilerge bergen suhbatynda .
Onyń aıtýynsha, 25 qazan kúni elorda ıppodromynda Alaman báıge men at jarysy ótedi.
«Odan bólek, jarys túrindegi 20-dan astam sporttyq sharalar da josparda bar. Barlyq bilim berý oshaqtarynda, mektepter men joǵary oqý oryndarynda Respýblıka kúnine arnalǵan dóńgelek ústelder men konferentsııalar ótedi. Munyń bári jas urpaqqa Respýblıka kúniniń mańyzyn túsinýge yqpal etedi», - dedi Dáýren Babamuratov.
Bıyl Memlekettik syılyq laýreattaryn marapattaý Respýblıka kúni qarsańynda ótedi.
Mádenıet jáne sport mınıstrliginiń málimeti boıynsha, Qazaqstanda Respýblıka kúnin atap ótýge belsendi daıyndyq júrip jatyr.
17-21 qazan aralyǵynda Qazaq ulttyq óner ýnıversıtetinde XXV halyqaralyq «Shabyt» shyǵarmashylyq jastar baıqaýy ótip jatyr.
Al, 18 qazanda bastalǵan Qalıbek Qýanyshbaev atyndaǵy Memlekettik akademııalyq qazaq mýzykalyq drama teatrynyń qabyrǵasynda Qazaqstan drama teatrlarynyń respýblıkalyq festıvali 23 qazanda máresine jetedi.
21 qazanda «Bozoq» Ulttyq saıabaǵynyń aýmaǵynda ejelgi Bozoq qalashyǵyn qaıta qurýdyń bastalǵany týraly tarıhı eske alý kapsýlasyn salý rásimi ótedi.
21 qazanda Kúlásh Baıseıitova atyndaǵy daryndy balalarǵa arnalǵan respýblıkalyq orta mamandandyrylǵan mýzyka mektep-ınternatynyń uıymdastyrýymen «Respýblıka kúnine arnaý» kontserti bolady.
21 qazanda Ábilhan Qasteev atyndaǵy QR Memlekettik óner mýzeıi «Qazaqstan – balalar kózimen» atty kórme ótkizedi.
22 qazanda Almatydaǵy ortalyq memlekettik mýzeıde «Táýelsiz Qazaqstan» zaly reekspozıtsııasynyń tusaýkeseri uıymdastyrylady.
24 qazanda Ulttyq akademııalyq kitaphanada «Meniń Respýblıkam» aqyndar saıysy ótedi.
Sondaı-aq, 24 qazanda Abaı oblysynda ornalasqan «Jıdebaı-Bórili» Abaıdyń memlekettik tarıhı-mádenı jáne ádebı-memorıaldyq qoryq murajaıy «Respýblıka kúni – ulttyq mereke» atty kitap kórmesin uıymdastyrady.
25 qazanda «Astana Opera» memlekettik opera jáne balet teatrynyń kameralyq zalynda «Qazaqstan kameratasy» klassıkalyq mýzyka ansambli uıymdastyrǵan «Merekelik shashý» kontserti ótedi.
25 qazanda Jambyl atyndaǵy Qazaq memlekettik fılarmonııasynyń qoldaýymen «Ónerimiz saǵan, Qazaqstan!» kontserti bolady.
Sondaı-aq, 25 qazanda Ulttyq mýzeıde «Ulttyń uly ustyndary» respýblıkalyq shyǵarmashylyq baıqaýy ótedi.
Sonymen qatar, 25 qazanda Beıbitshilik jáne kelisim saraıynda 2rar, Yenlik jáne Qaırat Nurtas kontserti beredi.
Sol sııaqty 25 qazanda Qalıbek Qýanyshbaev atyndaǵy Memlekettik akademııalyq qazaq mýzykalyq drama teatrynda «Baıan sulý - Qozy Kórpesh» spektakli kórsetiledi.
Al, «Qazaqstan» ortalyq kontsert zalynda Roza Rymbaeva kontsert beredi.
26-28 qazan aralyǵynda «Ulytaý» tarıhı-mádenı jáne tabıǵı mýzeı-qoryǵynda «Altyn Ordanyń tarıhı-mádenı murasy» atty halyqaralyq ǵylymı-praktıkalyq konferentsııa ótedi.
Almaty: Otshashý, marafon, ulttyq oıyndar festıvali
21 qazan kúni saǵat 11:00-de Qazaqstan-Brıtan tehnıkalyq ýnıversıtetinde Respýblıka kúnine arnalǵan ǵylymı-praktıkalyq konferentsııa ótedi.
22 qazan kúni saǵat 12:00-de Qazaqstan-Brıtan tehnıkalyq ýnıversıtetinde memlekettik jáne vedomstvolyq nagradalar, alǵys hattar saltanatty túrde tapsyrylady.
22 qazan kúni saǵat 17:00-de Respýblıka saraıynda qazaqstandyq estrada juldyzdarynyń qatysýymen saltanatty kontsert ótedi.
23 qazan kúni saǵat 7:00-den 13:00-ge deıin Charity Music Nur jappaı qaıyrymdylyq jarysy ótedi. Jarys Tuńǵysh Prezıdent saıabaǵynan bastalady. Qatysýshylardyń josparlanǵan sany – 1700-2000 adam. Jarys kelesi qashyqtyqtarda ótkiziledi: balalar jarysy (2 km – 7-14 jas), skandınavııalyq serýendeý (10,5 km), 10,5 km júgirý jáne 21 km. Qatysýshylardyń jıyny saǵat 6:00 dep belgilengen.
25 qazan kúni saǵat 10.00-de «Medeý» kesheniniń aldyndaǵy alańda memlekettik Tý saltanatty túrde kóterilip, Ánuran oryndalady.
Іle-shala stýdentterdiń «Qyran elim – Qazaqstan» fleshmoby ótedi.
25 qazan kúni saǵat 10:00-de «Ulttyq dala oıyndary» respýblıkalyq ulttyq sport túrleriniń festıvali ótedi. Orny – Omarov kóshesi, 10a mekenjaıdaǵy Almaty ıppodromy.
25 qazan kúni saǵat 17:00-de qazaqstandyq estrada juldyzdarynyń qatysýymen «Astana» alańynda merekelik kontsert ótedi.
Kontsertten keıin merekelik salıýt bolady.
Shymkent: spektakl, konferentsııa
26-27 qazan kúnderi saǵat 18:30-da Jumat Shanın atyndaǵy Shymkent qalalyq qazaq akademııalyq drama teatrynda Saıa Qasymbektiń «Atjalman ǵasyr» dramasy qoıylady.
28 qazanda ál-Farabı atyndaǵy Shymkent qalalyq ǵylymı-ámbebap kitaphanasynda «Ál-Farabı murasy – órkenıet qazynasy» atty respýblıkalyq konferentsııa uıymdastyrylady.
Abaı oblysy: jármeńke, kontsert, qonystoı
Abaı oblysynda Respýblıka kúnine oraı 200-den astam shara josparlanǵan.
Onyń ishinde saltanatty jáne mádenı-buqaralyq is-sharalar ótkizý kózdelip otyr. Mereke kúni oblystyń ortalyq alańdarynda, saıabaqtary men skverlerinde jappaı jármeńkeler, kórmeler, merekelik kontsertter uıymdastyrylady.
Birqatar nysan ashylyp jáne jańa páter ıelerine baspana kiltteri tabystalmaq.
Atyraý oblysy: jumys oryndary jármeńkesi
Atyraýda Respýblıka kúnine oraı «bos jumys oryndarynyń» jármeńkesi ótedi. Jalpyqalalyq jármeńkege iri kásiporyndar men memlekettik mekemeler de shaqyrtý alǵan. Shara 21 qazan kúni saǵat 10:00 – 13:00 aralyǵynda «APEC» bazasynda ótedi.
Sondaı-aq, aqyndardyń respýblıkalyq aıtysy ótti. «Egemendigim – eren eldigim» atty respýblıkalyq aıtysqa Shyǵys Qazaqstan, Batys Qazaqstan, Abaı, Pavlodar, Qostanaı, Qyzylorda, Jambyl, Aqtóbe, Atyraý oblystary men Astana qalasynan 16 aqyn qatysty.
Qaraǵandy oblysy: ánuran hormen shyrqalady
22 qazanda Sáken Seıfýllın atyndaǵy Qazaq drama teatrynda merekelik kontsert pen saltanatty jıyn ótedi.
25 qazanda Jańa Maıqudyq, «Molodejnyı» jáne Temirjolshylar mádenıet úılerinde «Meniń Qazaqstanym» kontserttik baǵdarlamasy ótedi.
Respýblıka kúni oblys turǵyndary «Qyran elim – Qazaqstanym» jalpyulttyq patrıottyq aktsııasy aıasynda elimizdiń ánuranyn oryndaıdy.
Qyzylorda oblysy: jańa saıabaq ashylady
Qyzylorda obylsynda Respýblıka kúnine tartý retinde Jańaqorǵan aýdanynda jańa demalys parki el ıgiligine berildi.
Al, Aral qalasynda Respýblıka kúni men Aral qalasynyń 95 jyldyǵyna jáne aqyn Ábilhan Mahanovtyń 100 jyldyǵyna oraı respýblıkalyq aqyndar aıtysy ótti.
Mańǵystaý oblysy: jyrshylar baıqaýy, Ámın Tuıaqov marafony
Mańǵystaý oblysynda Respýblıka kúnine oraı 50-ge jýyq shara ótedi. Atap aıtqanda, kórme, jármeńke, merekelik kontsert, sporttyq shara, baıqaý, qaıyrymdylyq-ekologııalyq aktsııalar men patrıottyq is-sharalardy ótkizý josparlanǵan.
Óńirde «Qyran elim – Qazaqstanym!» patrıottyq jalpyulttyq aktsııasy uıymdastyrylyp jatyr.
Sondaı-aq, 20 qazan kúni saǵat 15:00-de «Dostyq» úıinde «Jyrlansyn el birligi» respýblıkalyq jyrshylar festıvali ótedi. Festıvalǵa elimizdiń 5 jyr mektebinen, ıaǵnı Mańǵystaý, Syr boıy, Batys Qazaqstan, Jetisý, Arqa jyraýlyq mektebinen barlyǵy 15 jyrshy qatysady.
Al, 25 qazan teńiz jaǵalaýynda Ámın Tuıaqovtyń 85 jyldyǵyna arnalǵan marafon uıymdastyrylyp, marafon sońy Mańǵystaý óner juldyzdarynyń kontsertine ulasady.
Sonymen qatar, Á. Kekilbaev atyndaǵy oblystyq tarıhı-ólketaný mýzeıiniń tarıh zalynyń ashylýy, Otpan tarıhı-mádenı kesheninde «Egemen eldiń erteńi – eren erdeı eńseli!» Respýblıka kúni men keshenniń ashylǵan kúnine oraı merekelik shara, fotokórme, N. Jantórın atyndaǵy oblystyq mýzykalyq-drama teatrynda T. Dosymov «Bıiktik» spektakli, oblystyq fılarmonııada «Elim meniń» atty merekelik kontserti sııaqty sharalar ótpek.
Pavlodar oblysy: qaıyrymdylyq, jármeńke, festıval
Pavlodar oblysynda «Qamqorlyq» aılyǵy aıasynda áleýmettik jaǵynan álsiz toptaǵy azamattardy qoldaý maqsatynda «Janashyr júrek» aktsııasy ótip jatyr.
Demalys kúnderi aýyl sharýashylyǵy jármeńkesi, «Taza tabıǵat» atty ekologııalyq aktsııalar, jumyssyz adamdardy jumyspen qamtý úshin bos oryndar jármeńkesi ótedi.
21 qazan kúni jyl saıynǵy «Táýelsizdik urpaqtary» premııasy tabystalady.
25 qazanda QHA etnomádenı birlestikteriniń jastary arasynda «Ónerimiz saǵan, Qazaqstan!» patrıottyq ánder festıvali uıymdastyrylmaq.
Jalpy, óńirde Respýblıka kúnine oraı barlyǵy 300-den astam is-shara ótkizý josparlanǵan.
SQO: ekologııalyq aktsııa, «Ninety One» kontserti
Soltústik Qazaqstan oblysynda mereke qarsańynda «Janashyr Júrek» respýblıkalyq aktsııasy ótip jatyr.
Merekege oraı kitaphanalarda túrli kórme, dóńgelek ústelder uıymdastyrylady. Teatrlarda taqyryptyq qoıylymdar josparlanǵan. Máselen, Sábıt Muqanov atyndaǵy qazaq sazdy-drama teatrynda «Elim-aı» spektakli kórermenge jol tartady. Saýda-oıyn-saýyq ortalyqtary kontsertter, merekelik baǵdarlamalar ótkizedi.
Qazaqstan halqy Assambleıasynyń bastamasymen óńirdiń túrli etnos ókilderi arasynda patrıottyq is-sharalar, «Jańa Qazaqstan. Taza tabıǵat» egıdasy aıasynda jappaı ekologııalyq aktsııalar uıymdastyrady.
24-25 qazanda «Qyzyljar – sheberler mekeni» halyqaralyq qolónershiler festıvali josparlanǵan.
Petropavlda halyqtyq mereke 24 qazan kúni ortalyq alańda Aqan seri atyndaǵy oblystyq fılarmonııa ártisteriniń kontsertimen bastalady, al 25 qazan kúni «Ninety One» tobynyń qatysýymen «Qyran elim – Qazaqstanym!» merekelik kontserti ótedi.
Túrkistan oblysy: áleýmettik nysandar ashylady
Mereke kúni oblys boıynsha 7 430 orynǵa arnalǵan 7 jańa mektep jáne sport kesheni sııaqty mańyzdy nysandar halyq ıgiligi úshin paıdalanýǵa berilmek. Budan bólek, jańa alleıalar ashylyp, turǵyn úıler beriledi, birqatar aýyldyq okrýginde taza aýyzsý jáne tabıǵı gaz iske qosylady.
22 qazan kúni «Jasa, jaına, Qazaqstan!» saltanatty is-sharasy uıymdastyrylmaq.
21-23 qazan kúnderi «Asqaqtaı ber, aıbyndy Qazaqstan!» aptalyǵy ótse, «Farab» ámbebap ǵylymı kitaphanasynda 25 qazan kúni «Respýblıka kúni – ulttyq mereke» atty merekelik is-sharasy jáne kitap kórmesi bolady.
22-25 qazan kúnderi oblys kólemindegi ortalyqtandyrylǵan kitaphanalar júıesinde merekelik keshter, tarıhı saǵattar men keńeıtilgen kitap kórmeleri ótedi, teatrlarda túrli qoıylymdar usynylady.
23 qazan kúni saǵat 18:00-de Karavansaray Turkistan kesheninde The spirit of Turkistan zamanaýı etnıkalyq mýzyka festıvali bolady.
Oblystyq mýzeılerde 22-25 qazan aralyǵynda merekelik kórmeler, lektsııalar, fotokórmeler, tanymdyq aqparattyq keshter ótedi.
Ulytaý oblysy: qazaq kúresi, termeshiler baıqaýy, qonystoı
Ulytaý óńirinde Respýblıka kúnine arnalǵan is-sharalar jelisi qazan aıynyń alǵashqy kúnderinen bastaldy. Mysaly, Qazaqstandy jaıaý aralaǵan Sársenbaı Qotyrashevke qurmet kórsetilip, páter tabys etildi, Sátbaev qalasynda Jastar teatrynyń tusaýy kesildi. Qazirgi kúni «Qyran elim – Qazaqstan» taqyrybyndaǵy patrıottyq aktsııa barlyq deńgeıde ótip jatyr. Aktsııa aıasynda áleýmettik jelilerde úsh túrli baǵytta konkýrstar uıymdastyryldy:
1. Patrıottyq óleńder oqý
2. Oqýshylar arasynda kórkem sýret salýdan baıqaý
3. Merekege arnalǵan erekshe beınequttyqtaýlar konkýrsy.
Respýblıka kúnine oraı jappaı ekologııalyq aktsııasy aıasynda senbilikter, abattandyrý jumystary ótip jatyr.
Mereke aıasynda Jańaarqa aýdanynda 36 páterli úıdiń kilti jáne Ulytaý aýdanynda 8 páterlik 2 úıdiń kilti tabystalady. Osylaısha, mereke qarsanyńda áleýmettik osal toptaǵy 52 otbasy baspanaly bolady.
20-22 qazan aralyǵynda «Asar joly» qaıyrymdylyq týry Jezqazǵan qalasy men Ulytaý aýdanynda ótkiziledi. Bul shara 21 qazanda Ulytaý aýdanynda jalǵasady.
21 qazan Sátbaev qalasynda Respýblıka kúni aıasynda Shynbolat Dildebaevtyń 85 jyldyǵyna arnalǵan oblystyq jyrshy-termeshiler baıqaýy ótedi.
25-27 qazan aralyǵynda Jezqazǵan qalasynda respýblıka deńgeıinde Q. Shyńǵysovty eske alýǵa arnalǵan qazaq kúresinen týrnır ótkizý josparlanǵan.
Bilim basqarmasy tarapynan «Pedagog. Senim. Damý» taqyrybynda jas pedagogterge arnalǵan forým uıymdastyrylady.
Jastar arasynda «Men týymdy maqtan tutamyn» patrıottyq avtosherýi, «Kók týymdy beıneleımin» sýret salýdan chellendjder, fleshmobtar men aktsııalar ótpek.
ShQO: spektakl, kontsert, aktsııalar
Mereke aıasynda Shyǵys Qazaqstanda 500-den astam túrli is-sharalar ótedi. Óńir turǵyndary «Taza tabıǵat» ekologııalyq aktsııasyna, patrıottyq chellendjge, «Ónerimiz saǵan, Qazaqstan!» etnomádenı birlestikterdiń sharasyna qatysady.
Shyǵys Qazaqstan drama teatrynda túrli spektaklder, al «Ertis kontsertinde» merekelik kontsertter usynylady.
25 qazanda qalanyń ortalyq alańynda saltanatty kontsert ótedi.
