Respýblıka kúni: Astanada merekelik otshashý ótedi

ASTANA. QazAqparat – Respýblıka kúni elordada demeýshilik qarajat esebinen merekelik otshashý ótedi, dep habarlaıdy QazAqparat qala ákimdigine silteme jasap.

Otshashý 25 qazan kúni saǵat 21:00-de qalanyń eki tusynda – jaǵalaýdaǵy Atyraý kópirinde jáne Botanıkalyq baq aýmaǵynda ótedi. Otshashýdyń uzaqtyǵy – shamamen 10 mınýt, al atys sany – 3,5 myń.

«Aıta ketý kerek, qala turǵyndary men qonaqtary úshin merekege oraı 200-den astam túrli formattaǵy is-sharalar (kontsertter, qoıylymdar, kórmeler, sporttyq is-sharalar jáne t.b.) ótkizý josparlanyp otyr, olardyń jartysy búginge deıin ótkizildi. Mereke aıasynda elordada jáne túrli aýdandarda ár salanyń eńbek sińirgen qyzmetkerleri, eńbek ardagerleri, batyldyǵymen kózge túsken azamattar jáne t.b. marapattalady», - deıdi Astana ákimdiginiń baspasóz qyzmeti.

Eske sala ketsek, Respýblıka kúnine oraı 17 qazanda bastalǵan aýqymdy sharalar 28 qazanǵa deıin jalǵasady.

https://kaz.inform.kz/news/respublika-kuni-onirlerde-kalay-toylanady_a3992668