Reseıde Qamshy Kólbaevtyń oqqaǵary ustaldy
ASTANA.KAZINFORM — Máskeýde halyqaralyq izdeýde júrgen «Uzyn ulan» laqap aty bar krımınaldy top múshesi ustaldy, dep habarlaıdy Kazinform agenttiginiń menshikti tilshisi.
Qyrǵyzstan Іshki ister mınıstrliginiń málimetinshe, Qyrǵyzstan azamaty 2025 jyldyń qyrkúıek aıynyń basynda ustalǵan.
— 1972 jyly týǵan, birneshe ret aýyr qylmys jasaǵany úshin sottalǵan, uıymdasqan qylmystyq toptyń belsendi múshesi retinde Іshki ister mınıstrliginiń jedel esebinde turǵan B.Ý.K.qamaýǵa alyndy. Ol Qamshy Asanbektiń (Kólbaevtyń) eń jaqyn jáne senimdi adamy boldy, onyń jeke qaýipsizdigine jaýapty boldy. Ol birneshe ret qylmystyq tóbeleske qatysyp, bopsalaýmen de aınalysyp, qylmystyq qazynany tolyqtyrý maqsatynda kásipkerlerden kommertsııalyq fırmalar men jyljymaıtyn múlikti tartyp alǵan, — delingen habarlamada.
Oǵan 2019 jyly Bishkek qalasynda sheteldik kásipkerdiń asa iri kólemdegi múlkin tartyp alý arqyly qaraqshylyq shabýyl jasady degen aıyp taǵylyp otyr.
Qazir ol Bishkekke jetkizildi. Tergeý amaldary júrgizilip jatyr.
Aıta keteıik, 2023 jyldyń qazan aıynyń basynda krımınaldy top jetekshisi Qamshy Kólbaev Bishkekte tutqyndalý kezinde joıyldy.
Onymen tyǵyz baılanysta bolǵany úshin memlekettik keden qyzmetiniń 50 qyzmetkeri jumystan bosatyldy. Krımınaldyń jarty mıllıon dollardan asatyn asyl tuqymdy júırik aty, Q.Kólbaevtyń uıymdasqan qylmystyq tobynyń músheleri Qyrǵyz Respýblıkasynyń burynǵy premer-mınıstri Sapar Isakovqa syıǵa tartqan qymbat baǵaly kóligi memleket paıdasyna tárkilendi.
Buǵan deıin Qamshy Kólbaevtyń aǵasy da ustalǵanyn habarlaǵan edik.