Regbıden Olımpıada chempıony komandalasyn tistep aldy
ASTANA. KAZINFORM – Frantsııalyq «Bıarrıts» regbı komandasynyń oıynshysy jáne Fıdjı quramasynyń 2016 jylǵy Olımpıada chempıony Masıvsı Dakývaka áriptesin tistep alǵany úshin komandadan qýyldy. Bul týraly Report habarlady.
Oqıǵa oıyn-saýyq sharasy kezinde bolǵan. Kýágerlerdiń aıtýynsha, komandadaǵy birneshe oıynshynyń arasynda aqshaǵa baılanysty janjal týyndaǵan. Arasha túspek bolǵan áriptesi jaraqat alyp, aýrýhanaǵa jetkizildi. Jábirlenýshiniń betin 20 jerden tikken.
Dakývaka bolǵan oqıǵaǵa ókinetinin aıtty. Biraq ol óz áreketin túsindirip bere almaǵan. Osy oqıǵaǵa baılanysty klýbtan shettetilgen 30 jastaǵy oıynshy mamyr aıynda sot aldynda jaýap beredi.
Aıta keteıik, Qazaqstannyń regbı federatsııasyn QR Ónerkásip jáne qurylys mınıstri Qanat Sharlapaev basqaratyn boldy.